Լավրովը դատապարտել է ԱՄՆ-ի գործողություններն Իրանի նկատմամբ

ՌԴ ԱԳ նախարար Սերգեյ Լավրովը դատապարտել է ԱՄՆ-ի գործողություններն Իրանի նկատմամբ:

Նա նշել է, որ սահմանափակումները, որոնք սահմանված էին Իրանի համար` ցածր հարստացված ուրանի և ծանր ջրի արտադրության առումով, ուղեկցվում էին պայմանավորվածությամբ, որ Իրանը կկատարի այդ աշխատանքները, իսկ ավելցուկը կվաճառի, ինչը և տեղի էր ունենում այս տարիներին:

«Իսկ այժմ ԱՄՆ-ն արգելել է բոլոր երկրներին` գնել այդ ավելցուկը: Պայմանագիրը կատարելու ունակության բացակայություն` դա ամենամեղմ բանն է, որ կարելի է ասել, քանի որ մի երկրի խեղդելու նպատակով փորձ է արվում ստիպել ամբողջ աշխարհին` չկատարել ՄԱԿ-ի ԱԽ բանաձևը»,- ասել է Լավրովը: