Միխայիլ Շվիդկոյը Երևանում է. մասնակցելու է համաժողովի, թե՞ կարգավորելու կապերը Բաքվի հետ

Հանրապետության նախագահ Արմեն Սարգսյանն այսօր հյուրընկալել է Ռուսաստանի Դաշնության նախագահի՝ միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյին, ով Հայաստանում է՝ մասնակցելու «Մտքերի հայկական գագաթնաժողով» միջազգային կոնֆերանսին:

Հանդիպման ընթացքում զրուցակիցները մտքեր են փոխանակել հայ-ռուսական մշակութային առնչությունների, հումանիտար ոլորտներում համագործակցության խորացման շուրջ:

Նշենք, որ ավելի վաղ Շվիդկոյը հայտարարել էր, որ հունիսին այցելելու է Երևան, որպեսզի փորձի հստակեցնել Հայաստանի և Ադրբեջանի նիջև հումանիտար կապերի հաստատման ձևաչափը: