Վաշինգթոնը հույս ունի, որ Թուրքիան նախապատվությունը կտա Patriot համակարգին

Վաշինգթոնը հուսով է, որ Թուրքիան նախապատվությունը կտա հակաօդային պաշտպանության Patriot համակարգին եւ ոչ թե ռուսական Ս-400-ներին, որոնք առաջացնում են ՆԱՏՕ-ի մտահոգությունը՝ հայտնում է Reuters-ը։

Ամերիկյան պաշտոնյան, ով ցանկացել է անհայտ մնալ, հայտարարել է, որ ԱՄՆ-ը ուզում է Թուրքիային «որքան հնարավոր է իրական, հուսալի եւ շտապ այլընտրանք» առաջարկել։

Դեկտեմբերին ԱՄՆ-ը հավանության էր արժանացրել Թուրքիային մոտ 3,5 մլրդ դոլարի Patriot համակարգի հնարավոր վաճառքը։ Պաշտոնյան ասել է, որ ԱՄՆ-ը կարծում է՝ Patriot-ն ավելի է համապատասխանում Թուրքիայի եւ ՆԱՏՕ-ի շահերին։