ՀՀ եւ Ադրբեջանի ԱԳ նախարարները համաձայնեցնելու են ԼՂ վերաբերյալ հայտարարություն. ՌԴ ԱԳՆ

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Հայաստանի եւ Ադրբեջանի ԱԳ նախարարները նախատեսում են համաձայնեցնել Լեռնային Ղարաբաղի վերաբերյալ հայտարարություն:

Նման հայտարարություն նա արել է ԶԼՄ-ների հետ ճեպազրույցում: Նրա խոսքով, դեկտեմբերի 5-ին Միլանում ԵԱՀԿ ԱԳ նախարարների խորհրդի նիստի նախօրեին, այսինքն՝ այսօր նախատեսված է Հայաստանի եւ Ադրբեջանի ԱԳ նախարարների հանդիպումը: «ԵԱՀԿ Մինսկի խմբի միջնորդությամբ Լեռնային Ղարաբաղի հակամարտության կարգավորման հարցով»,- ասել է Զախարովան՝ նշելով, որ 2 օր առաջ է կատարվել համապատասխան ծանուցում:

Նրա խոսքով՝ նախատեսվում է հակամարտության կարգավորման վերաբերյալ հայտարարության համաձայնեցումը. «Կարծում եմ, որ ըստ արդյունքների ձեզ բավականին մանրամասն կտեղեկացնեն»: