28.03.2024
ՀԱՊԿ գլխավոր քարտուղարի թեկնածուներ շատ կան. Լուկաշենկո
prev Նախորդ նորություն

Նորություններ գործընկերներից

Ընդունել եմ ՀՀԿ ցուցակով ընտրություններին մասնակցելու առաջարկը. Դավիթ Շահնազարյան

ՀՀ առաջին նախագահի հատուկ հանձնարարություններով դեսպան, Ազգային անվտանգության ծառայության նախկին ղեկավար, Տարածաշրջանային հետազոտությունների հայկական կենտրոնի վերլուծաբան Դավիթ Շահնազարյանը Tert.am-ի հետ զրույցում հաստատել է տեղեկությունները, որ ընդունել է առաջարկը՝ ՀՀԿ ընտրացուցակով մասնակցել Ազգային ժողովի արտահերթ ընտրություններին:


«Իմ այս որոշման հիմքում խորը մտահոգություններն են` կապված Հայաստանի եւ Արցախի Հանրապետություններին սպառնացող հարաճուն վտանգների հետ: Գործող հեղափոխական վարչախումբը ոչ միայն եղած մարտահրավերներին ու սպառնալիքներին համարժեք քաղաքականություն չի վարել, այլեւ վեցամսյա իր գործունեությամբ ու անգործությամբ բազմապատկել է եղածները, ավելացրել նորերը: Ամենայն պատասխանատվությամբ հայտարարում եմ` 1988-ից ի վեր երբեք սպառնալիքներն ու մարտահրավերներն այնքան վտանգավոր ընթացք չեն ունեցել, որքան ներկայում: Օրվա հրամայականը Հայաստանի ու Արցախի պետականությունների անվտանգությունը հեղափոխականության սպառնալիքներից պաշտպանելն է»,- հայտարարել է նա:


Անդրադառնալով ՀՀԿ-ին, Դավիթ Շահնազարյանը նշել է. «ՀՀԿ-ն այսօր, մեղմ ասած, իր լավագույն օրերը չի ապրում, բայց եւ արդյունավետ վերափոխվում՝ արդիականացվում է:


ՀՀԿ-ի արածների եւ չարածների համար, իմ այս որոշմամբ, իհարկե, ստանձնում եմ քաղաքական պատասխանատվություն: Ունեցել եւ ունեմ սկզբունքներ, որոնք չեմ փոխել: Թեեւ ընդհանրապես ասած` սկզբունքները քարացած դոգմաներ չեն, կարող են փոփոխվել, բայց սկզբունքներիս հավատարիմ մնալով եմ կայացրել այս որոշումը: Եվ առհասարակ, լինելով Հայաստանի երրորդ հանրապետության հիմնադիրներից մեկը՝ ինձ պատասխանատու եմ համարում ոչ միայն 1988թ.-ից մինչ այսօր Հայաստանում տեղի ունեցածի, այլեւ ապագա զարգացումների համար»:

Վերին Լարսից մինչեւ ՌԴ սահման մի քանի կիլոմետրանոց խցանումներ են գոյացել. հայտնի է պատճառը
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար