TRACECA-ն` Ադրբեջանի տարածքով բեռների տարանցման ծավալների ավելացման մասին

Ադրբեջանն ունի բոլոր հնարավորությունները, որպեսզի ավելացնի երկրի տարածքով բեռների տարանցման ծավալները: Այդ մասին հայտարարել է Ադրբեջանում TRACECA-ի ծրագրերի ղեկավար Ակիֆ Մուստաֆաևը:

Ըստ նրա, դրա համար պետք է լուծել որոշակի հարցեր:

Նրա խոսքով, պետք է նոր բեռնափոխադրողներ ներգրավվել, այդ թվում Աֆղանստանից ու Ուզբեքստանից: Պետք է միացյալ սակագնային համակարգ ներդնել` Չինաստանից դեպի Եվրոպա արտահանվող ապրանքների համար, որոնք անցնում են Ադրբեջանով:

Ակիֆ Մուստաֆաևը հավելել է, որ մեծ հեռանկարներ կան կապված Բաքու-Թբիլիսի-Կարս երկաթգծի հետ: