Ադրբեջանն Իտալիայից գնել է 10 մարտական ինքնաթիռ

Ադրբեջանն Իտալիայից գնել է 10 ուսումնա-մարտական M-346 ինքաթիռներ և պատվիրել է ևս 15 մեքենա:

M-346 ինքնաթիռը նախատեսված է Իտալիայի օդուժի անձնակազմի որակների բարձրացման համար: Առաջին անգամ այդ ինքնաթիռով թռիչք է իրականացվել 2004թ.-ի հուլիսին: Ինքաթիռը կարող է զարգացնել 1050 կմ/ժամ արագություն: Այն կարող է կրել 3 տոննա կշռող հրթիռներ և ռումբեր:

M-346 արդեն առկա է Իտալիայի, Սինգապուրի, Իսրայելի ու Լեհաստանի զինված ուժերի տրամադրության տակ:

Ադրբեջանն իտալական արտադրության այդ ինքնաթիռները ցուցադրել է դեռևս 2017թ.-ին: Նշվում է, որ հավանաբար Բաքվի տրամադրության տակ առկա են հենց ուսումնա-մարտական ինքնաթիռներ: