Երևանի ավագանու ընտրությունները` սեպտեմբերի 23-ին

Երևանի ավագանու արտահերթ ընտրությունները տեղի կունենան սեպտեմբերի 23-ին: Որոշումը կայացվեց ԿԸՀ արտահերթ նիստում:

Նշվում է, որ ընտրություններին մասնակցելու համար հայտերի ընդունման վերջնաժամկետը սեպտեմբերի 3-ն է: Քարոզարշավը կմեկնարկի սեպտեմբերի 10-ին և կավարտվի սեպտեմբերի 21-ին:

Հիշեցնենք, հուլիսի 9-ին Տարոն Մարգարյանը հրաժարական տվեց Երևանի քաղաքապետի պաշտոնից:

Այս պահին հայտնի է, որ Երևանի քաղաքապետի պաշտոնի համար կպայքարեն դերասան Հայկ Մարությանը` «Քաղաքացիական պայմանագիր» կուսակցությունը, Նաիրա Զոհրաբյանը` «Բարգավաճ Հայաստան», Զարուհի Փոստանջյանը` «Երկիր ծիրանի», ճարտարապետ Անահիտ Թարխանյանը, Արտակ Ավետյանը` Ռեֆորմիստների կուսակցություն: Ընտրություններին մասնակցելու մասին հայտարարել է նաև «Ժառանգություն» կուսակցությունը, ինչպես նաև «Լուսավոր Հայաստան» և «Հանրապետություն» կուսակցությունները, որոնք հանդես կգան դաշինքով, իսկ քաղաքապետի թեկնածուն կլինի ՀՀ արդարադատության նախարար Արտակ Զեյնալյանը: