Կառավարության 3-րդ մասնաշենքը պայթեցնելու ահազանգը կեղծ էր. ոստիկանություն

Առողջապահության նախարարության շենքը պայթեցնելու մասին քաղաքացու ահազանգը կեղծ էր: Այս մասին հայտնում են Ոստիկանությունից:  

Նշվում է, որ ոստիկանությունը ստուգումներ է իրականացրել, վտանգավոր որևէ բան չչի հայտնաբերվել, իսկ աշխատակիցները այս պահին վերադառնում են աշխատանքի:

Հիշեցնենք, առավոտյան 11,35-ին ահազանգ էր ստացվել մի քաղաքացուց, ով նշել էր, որ քաղցկեղով հիվանդ և պատրաստվում է պայթեցնել ՀՀ առողջապահության նախարարության շենքը: Կառավարության 3-րդ մասնաշենքի աշխատակիցները տարհանվել էին: