Իրանը սկսել է բանակցել ՀՀ և Ադրբեջանի հետ՝ ՌԴ էլեկտրաէներգիա մատակարարելու շուրջ

Իրանը սկսել է բանակցել Հայաստանի և Ադրբեջանի հետ՝ Ռուսաստան  այս երկրների տարածքով էլեկտրաէներգիա մատակարարելու շուրդ: Այս մասին հայտարարել է Իրանի էներգետիկայի նախարար Ռեզա Արդաքանիյանը:

«Մենք սկսել ենք բանակցել՝ Իրան-Հայաստան և Իրան-Ադրբեջան ձևաչափերով՝ Ռուսաստան էլեկտրաէներգիայի մատակարարման շուրջ»,- ՏԱՍՍ հաղորդմամբ ասել է իրանցի նախարարը: 

Նա նշել է, որ այսօր Իրանի համար կարևոր խնդիր է հանդիսանում միանալ եվրոպական էլեկտրական ցանցերին և Թեհրանն ունի այս գաղափարը կյանքի կոչելու մի քանի տարբերակ:

«Դրանցից մեկը մեր հյուսիսային հարևանների միջոցով Եվրոպայի էլեկտրացանցերին միանալն է»,- հավելել է Իրանի էներգետիկայի նախարարը: