ՀԱՊԿ պետությունների ավիացիոն ուժերի զորավարժությունները կանցկացվեն հոկտեմբերին

Առաջին անգամ այս հոկտեմբերի ՌԴ Սվերդլովի շրջանում կանցկացվեն ՀԱՊԿ Հավաքական ավիացիոն ուժերի հրամանատարա-շտաբային՝ «Օդային կամուրջ» զորավարժությունները: Այս մասին հայտնում է ՏԱՍՍ-ը:

Պաշտոնական հաղորդագրության մեջ նշվում է, որ զորավարժությունների ժամանակ կմշակվի օդային փոխադրումների կազմակերպումն ու կառավարման համակարգը: Զորավարժությունների հիմնական օդանավակայանն է լինելու Եկատերինբուրգի Կոլցովոն:

Զորավարժություններին կմասնակցեն Հայաստանի, Բելառուսի, Ղազախստանի, Ղրղզստանի, Ռուսաստանի և Տաջիկստանի զինծառայողները: