Ռուսաստանի կառավարությունում Սաակաշվիլիին «անառողջ» ու «վախկոտ ծաղրածու են» անվանել

Ռուսաստանի վարչապետ Դմիտրի Մեդվեդևի մամուլի քարտուղար Նատալյա Տիմակովան հերքել է Վրաստանի նախկին նախագահ Միխեիլ Սաակաշվիլիի խոսքերը՝ 2008-ին Հարավային Օսիայում հակամարտության հանգամանքների մասին։ Նրա խոսքով՝ «այն ամենը, ինչ ասել է Սաակաշվիլին, սկզբից մինչև վերջ սուտ է»։

Տիմակովայի խոսքով՝ «անիմաստ է մեկնաբանել ակնհայտ հոգեպես անառողջ մարդու, վախկոտ ծաղրածուի բարբաջանքը, որի նկատմամբ սեփական երկիրը միջազգային հետախուզում է հայտարարել և որը խայտառակ կերպով լքել է մյուս երկիրը»։

Ավելի վաղ Սաակաշվիլին, խոսելով Ռուսաստանի վարչապետ Դմիտրի Մեդվեդևի մասին, ասել է, որ նա ինքնին «զրո է», ինչպես նաև ներկայացրել 2008-ին իրենց միջև բանակցությունների մանրամասները։