Եվրահանձնաժողովը TAP-ի իրագործման հարցում բոլոր երկրներին աջակցելու հույս ունի

Եվրահանձնաժողովը Անդրաադրիատիկ խողովակաշարի (TAP) իրագործման հարցում բոլոր երեք երկրներին (Իտալիա, Ալբանիա, Հունաստան) աջակցությունը շարունակելու հույս է տածում, որը նախատեսում է ադրբեջանական գազը Եվրոպա փոխադրումը:

Այդ մասին հայտնել է՝ Եվրահանձնաժողովի փոխնախագահ, էներգետիկայի հարցերով հանձնակատար Մարոշ Շևչովիչը:

«Ես հավատում եմ, որ «Հարավային գազային միջանցքի» եվրոպական մասը հանդիսացող ТАР-ի շինարարությունը շարունակվելու է երեք ազգային կառավարություններին մշտական աջակցության շնորհիվ, որպեսզի ապահովել՝ 2020 թ. Կասպիական տարածաշրջանից ԵՄ գազի մատակարարումը»,- ասել է Շևչովիչը:

Փոխնախագահը նշել է, որ TAP-ը զգալի օգուտ կբերի այն երկրներին, որոնց տարածքներով նա կանցնի, ինչպես նաև տարանցիկ երկրներին ու նրանց տեղի համայնքներին՝ ներդրումների ներգրավման, լրացուցիչ աշխատատեղերի բացման, ինչպես նաև օգտատերերի համար էներգակիրների գների նվազեցման և ածխածնի առավել ցածր մակարդակով արտանետումների տնտեսման առումով: