29.03.2024
Մամուլ. Արմեն Աշոտյանի գլխին սև ամպեր են կուտակվել. ԿԳՆ-ում ստուգումներ են
prev Նախորդ նորություն

Նորություններ գործընկերներից

ՌԴ-ՀՀ հարաբերությունները պետք է դառնան «ավելի հատուկ»

ՀՀ վարչապետ Նիկոլ Փաշինյանը ՌԴ նախագահ Վլադիմիր Պուտինի հետ հունիսի 13-ին Մոսկվայում կայացած հանդիպման ժամանակ շեշտել է հայ-ռուսական հարաբերությունների հատուկ բնույթը եւ հույս է հայտնել, որ դրանք «ավելի հատուկ» դառնան։


ՀՀ վարչապետն ուշադրություն է դարձրել այն հանգամանքին, որ սա արդեն երկրորդ հանդիպումն է Պուտինի հետ, առաջինը կայացել է Սոչիում 30 օր առաջ: «Սա ցույց է տալիս ՀՀ-ՌԴ հարաբերությունների հատուկ բնույթը, եւ ցույց է տալիս, որ մեկ ամիս առաջ արված հայտարարությունները հիմա հստակ իրականացվում են։ Ես հույս ունեմ, որ այդ հարաբերությունները ավելի հատուկ կդառնան»,-ասել է նա։


«Մեր հարաբերությունների օրակարգը շատ ընդգրկուն է, եւ մենք շատ բան ունենք քննարկելու ե՛ւ քաղաքական, ե՛ւ տնտեսական, ե՛ւ տարածաշրջանային առումով: Մենք ակնկալում ենք կառուցողական եւ դրական երկխոսություն, եւ մենք համոզվել ենք, որ մեր երկխոսությունը հենց այդպիսին է»,-ասել է նա։


Հայ-ռուսական ռազմավարական հարաբերությունները շատ կարևոր են ՀՀ տնտեսական, ռազմական անվտանգության ապահովման տեսանկյունից` նույն ռազմա-քաղաքական (ՀԱՊԿ, ԱՊՀ) և տնտեսական (ԵԱՏՄ) կազմակերպություններում անդամակցությունն Երևան-Մոսկվա հարաբերությունների զարգացման համար կարևոր հիմք է ստեղծում ու համագործակցության հարթակներ:


Փաշինյանի կողմից կարևոր մեսիջ էր Մոսկվայում հնչեցնել այն տեսակետը, որ հայ-ռուսական հարաբերություններն ունեն հատուկ բնույթ և դրանք պետք է դառնան էլ ավելի հատուկ, այսինքն խորանան բոլոր ոլորտներում ու դուրս գան որակական նոր մակարդակի:


Ուղենիշային առումով Երևանը հասկացնում է Մոսկվային, որ այսօրվա իշխանությունները վստահելի են և կտրուկ արտաքին քաղաքական շրջադարձեր չեն լինելու:


Կրեմլի համար կարևոր է ունենալ կանխատեսելի գործընկեր  տարածաշրջանում ի դեմս ՀՀ-ի, քանի որ ռուսական ռազմա-քաղաքական, տնտեսական ներկայությունը ՀՀ-ում նաև ՌԴ ազգային անվտանգության կարևորագույն տարրերից է:


Եթե հայ-ռուսական հարաբերությունների քաղաքական օրակարգը պարզ է` Մոսկվան ու Երևանը պահպանում են դաշնակցային կապերն ու դրանք էլ ավելի խորացնելու մեսիջներ հղում, ապա տնտեսական ու տարածաշրջանային առումներով քննարկման լայն դաշտ կա` ՌԴ-ՀՀ ապրանքաշրջանառության աճին ուղղված քայլեր, ռուսական ներդրումներ ՀՀ-ում, ռուսական շուկայում հայկական արտադրանքի տեսականու ընդլայնումը: Իսկ տարածաշրջանային առումով ղարաբաղյան հակամարտության գոտում ադրբեջանական զորքերի կուտակումներ, Թուրքիայի ավելի ագրեսիվ քաղաքականություն, ինչպես նաև Վրաստան-ՆԱՏՕ կապերի խորացումը, Իրանի միջուկային ծրագրի շուրջ ստեղծված իրավիճակ:


ՀՀ-ի համար կարևոր է լսել նաև ՌԴ-ի դիրքորոշումն ու տեսլականը տարածաշրջանային խնդիրների մասով, հատկապես Ղարաբաղյան հարցի, Թուրքիայի ռեգիոնալ քաղաքականության և այլն:

Արմեն Գրիգորյանն ու Արթուր Վանեցյանը քննարկել են կոռուպցիայի դեմ պայքարը
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար