28.03.2024
Վահե Հակոբյանը հաջողություն մաղթեց Հայաստանի նոր կառավարությանը
prev Նախորդ նորություն

Նորություններ գործընկերներից

ԱԻՆ փրկարար ծառայության 90 ծառայող 11 ծրագրով կվերապատրաստվի ՌԴ-ում

Հայաստանի Կոտայքի մարզի Գետարգել համայնքում գործող «Հայ-ռուսական մարդասիրական արձագանքման կենտրոնի» (ՀՌՄԱԿ) այս տարվա ուսումնական պլանի համաձայն, Հայաստանի ԱԻՆ փրկարար ծառայության 90 ծառայող 11 ծրագրով կվերապատրաստվի Ռուսաստանում, 174 փրկարար 16 ծրագրով՝ կենտրոնում՝ Ռուսասատանից ժամանած մասնագետների օգնությամբ: Այս մասին տեղեկանում ենք «911 Արտակարգ թերթից»:


Վերապատրաստման դասընթացների թեմաները ընտրում են Հայաստանի մասնագետները՝ ըստ մեր փրկարարների կարիքների եւ առաջնահերթությունների: Դասընթացներում հիմնականում ներգրավվելու գործող ուժի՝ հրշեջ-փրկարարական ջոկատների ծայառողները: Կլինեն նաեւ դասընթացներ ղեկավար կազմի համար:


«Հայ-ռուսական մարդասիրական արձագանքման կենտրոնի» տնօրենի տեղակալ, փ/ծ գնդապետ Էդուարդ Յաշչյանի խոսքով, մայիսի 30-ից հունիսի 8-ը կենտրոնում անցկացվել է այս տարվա առաջին դասընթացը, որին մասնակցել է 20 փրկարար՝ Հատուկ նշանակության փրկարարական աշխատանքների իրականացման կենտրոնից եւ Հայաստանի բոլոր մարզերի հրշեջ-փրկարարական ջոկատներից: Դասընթացն անցկացրել են Ռուսաստանի քաղաքացիական պաշտպանության, արտակարգ իրավիճակների եւ աղետների հետեւանքների վերացման հարցերի նախարարության քաղաքացիական պաշտպանության ակադեմիայի չորս դասախոս:

Վերապատրաստման թեմաներն էին. «Տեխնածին փլատակներում վթարափրկարարական եւ անհետաձգելի այլ աշխատանքների կազմակերպում եւ իրականացում», «Որոնողափրկարարական աշխատանքներում արբանյակային կողմնորոշման միջոցների օգտագործում, ռադիոկապի կազմակերպում եւ իրականացում»: Եղել են տեսական եւ գործնական դասեր: Վերջում վերապատրաստված փրկարարները ստուգարք են հանձնել:

Վահրամ Շահինյանն ազատվեց Հատուկ քննչական ծառայության պետի պաշտոնից
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար