Պակիստանի ու Ադրբեջանի համատեղ զորավարժությունները կշարունակվեն

Պակիստանում Ադրբեջանի դեսպա Ալի Ալիզադեն հանդիպել է այդ երկրի ռազմաօդային ուժերի նոր հրամանատար, ավիացիայի մարշալ Մուջահիդ Անվար Հանի հետ։

Դեսպանը կարևորել է երկկողմ հարաբերությունները բոլոր ոլորտներում։ Նա նշել է, որ Բաքուն բարձր է գնահատում Պակիստանի դիրքորոշումը ղարաբաղյան հարցում։

Իր հերթին Անվար Հանը վստահեցրել է, որ Պակիստանի ռազմաօդային ուժերը շարունակելու են արդյունավետ համագործակցությունն Ադրբեջանի ռազմաօդային ուժերի հետ, այդ թվում համատեղ զորավարժությունների տեսքով։