ՌԴ ԱԳՆ-ն կոչ է անում երեւանում ռուսաստանցիներին խուսափել զանգվածային կուտակումներից

Ռուսաստանի արտաքին գործերի նախարարությունը խորհուրդ է տվել Երևանում գտնվող ռուսաստանցիներին խուսափել մարդկանց զանգվածային կուտակումների վայրերից: Այդ մասին ասվում է ՌԴ ԱԳՆ Twitter-ի միկրոբլոգում հրապարակված հայտարարության մեջ:

«Ընդդիմությունը բողոքի ակցիաներ է անցկացնում Երևանում...ցուցարարները փակել են մի շարք փողոցներ: Խորհուրդ է տրվում խուսափել մարդկանց զանգվածային կուտակման վայրերից»,-ասվում է ՌԴ ԱԳՆ Իրավիճակային ճգնաժամային կենտրոնի դեպարտամենտի հաղորդագրության մեջ:

Այսօր Բաղրամյան պողոտայում տեղի ունեցավ բախում ոստիկանական ուժերի ու Սերժ Սարգսյանի վարչապետության դեմ դուրս եկած ցուցարարների միջեւ: Հնչեցին պայթյուններ, կան վիրավորներ: Այնուհետեւ ոստիկանությունը հանդես եկավ հայտարարությամբ՝ զգուշացնելով, որ կցրի հավաքը՝ կիրառելով ուժ եւ հատուկ միջոցներ: Այժմ ոստիկանությունը լրացուցիչ ուժեր է կուտակում ԱԺ-ի մոտ. զրահաբաճկոններ են հագնում:

Հայտնի դարձավ նաեւ, որ գլխավոր դատախազությունը քրեական գործեր է հարուցել Երեւանում տեղի ունեցող ցույցերի փաստով: