Անջեյ Կասպշիկը Բաքվում հանդիպել է Զաքիր Հասանովի հետ

Ադրբեջանի պաշտպանության նախարար Զաքիր Հասանովը Բաքվում հանդիպել է ԵԱՀԿ գործող նախագահի անձնական ներկայացուցիչ Անջեյ Կասպշիկին:

ԱՊԱ հաղորդմամբ` հանդիպման ընթացքում քննարկվել են հայկական և ադրբեջանական զինված ուժերի շփման գծում առկա իրավիճակը, մշտադիտարկման արդյունքները և Լեռնային Ղարաբաղի հիմնախնդրի կարգավորմանն առնչվող այլ հարցեր:

Հիշեցնենք, որ ԵԱՀԿ Մինսկի խմբի համանախագահները Հայաստան կժամանեն փետրվարի 7-ին:

Երեւանում համանախագահները հանդիպումներ կունենա Հայաստանի ղեկավարության հետ: Օրակարգում ղարաբաղյան հակամարտության կարգավորումն է: Ադրբեջանում Մինսկի խմբի անդամները կլինեն փետրվարի 3-ին:

Ինչպես արդեն հայտնել ենք, հունվարի 18-ին Կրակովում ԵԱՀԿ Մինսկի խմբի համանախագահների նախաձեռնությամբ տեղի ունեցավ Հայաստանի եւ Ադրբեջանի արտաքին քաղաքական գերատեսչությունների ղեկավարներ Էդվարդ Նալբանդյանի եւ Էլմար Մամեդյարովի հանդիպումը։

Միջնորդներն այնուհետեւ հայտարարել էին, որ այցելում են տարածաշրջան հակամարտող կողմերի դիրքորոշումները կոնկրետ հարցերի շուրջ ճշտելու համար: