Փորձագետ. Ադրբեջանը պետք է անցում կատարի «առաջանցիկ տնտեսության»

Այս տարի Ադրբեջանի մակրոտնտեսական ցուցանիշներն էլ ավելի կարող են վատթարանալ։ Ռեգուլյատորը պետք է վերանայի դրամային քաղաքականությունն։ Ադրբեջանը պետք է անցում կատարի «առաջանցիկ տնտեսության»։ ՀՆԱ–ի աճը պետք է լինի առնվազն տարեկան 7-8%:Այդ մասին հայտարարել է տնտեսագետ Էլշադ Մամեդովը։

Նա նշել է, որ 2017թ.–ին գրանցվել է ինֆլյացիայի նվազում` 2016թ.–ի համեմատությամբ։

«Տնտեսությունը ներդրումների կարիք ունի`դրամային էմիսիան պետք է ավելացվի։ Աճի կայուն տեմպերի համար տնտեսության իրական հատվածը պետք է մուտք ունենա դեպի «երկար դրամներ», այսինքն վարկեր»,–նշել է նա։