Թուրքիայում արտադրելու են Գյանջայի տրակտորներ

Գյանջայի ավտոմոբիլային գործարանը և «Агролизинг» ընկերությունը համաձայնագիր են ստորագրել 1000 տրակտորների արտադրության շուրջ։ Այդ մասին հայտարարել է ԳԱԶ–ի տնօրենների խորհրդի ղեկավար Խանլար Ֆաթիևը։

Նա նշել է, որ 2018թ.–ին նախատեսվում է Գյանջայի տրակտորների արտադրություն սկսել Թուրքիայում։

Ըստ նրա, իրենք ցանկանում են տրակտորների արտադրություն սկսել երրորդ երկրներում։ Նա հավելել է, որ Թուրքիայում և Վրաստանում գործում են իրենց գործարանի մասնաճյուղեր։