ՀՀ ԶՈՒ համար ռազմական նշանակության արտադրանքի ներմուծումն ազատվեց ԱԱՀ-ից

Հայաստանի Հանրապետության զինված ուժերի համար բացառապես ռազմական նշանակության արտադրանքի ներմուծումն այլևս ազատվեց ավելացված արժեքի հարկից:

Նախագահ Սերժ Սարգսյանն այսօր ստորագրել է Ազգային ժողովի ընդունած «Հայաստանի Հանրապետության և այլ երկրների միջև միջպետական (միջկառավարական) համաձայնագրերի շրջանակներում Հայաստանի Հանրապետության զինված ուժերի համար բացառապես ռազմական նշանակության արտադրանքի ներմուծումն ավելացված արժեքի հարկից ազատելու մասին» ՀՀ օրենքը: Այս մասին տեղեկանում ենք երկրի ղեկավարի մամուլի գրասենյակից: