Դանիան Հայաստանի համար կպարզեցնի վիզային ռեժիմը

Դանիան Հայաստանի համար կպարզեցնի վիզային ռեժիմը։ Միջկառավարական համապատասխան համաձայնագրի նախագիծն այսօր հավանության է արժանացել կառավարության կողմից:

Մասնավորապես, վիզայի դիմումի համար բավարար կլինի մերձավոր ազգականների հրավերը, որոնք կամ Դանիայի քաղաքացի են կամ օրինական հիմունքներով են այնտեղ ապրում։ Վիզային ռեժիմը կպարզեցվի նաեւ պաշտոնական պատվիրակությունների, ուսման եւ բուժման նպատակներով մեկնողների, լրագրողների, գործարարների, քաղաքացիական հասարակության ներկայացուցիչների համար։