Կարեն Կարապետյանը կմասնակցի Դավոսի տնտեսական ֆորումին. ՀԺ

Մեր ունեցած տեղեկություններով, վարչապետ Կարեն Կարապետյանը կմասնակցի շվեյցարական Դավոս քաղաքում անցկացվող Համաշխարհային 48-րդ ամենամյա տնտեսական ֆորումին, որը տեղի է ունենալու 2018թ. հունվարի 23-26-ը: Այս մասին հայտնում է armtimes.com-ը:

Համաժողովին բարձր մակարդակով մասնակցելու են պատվիրակություններ ավելի քան 100 երկրից: Ներկայումս հստակեցվում է այցի աշխատանքային օրակարգը: Նշենք, որ անցած տասը տարիներին դավոսյան ֆորումին մեկ անգամ մասնակցել է Սերժ Սարգսյանը, որը այնտեղ հանդիպում է ունեցել Իլհամ Ալիեւի հետ (2009 թվականի հունվար): Այդ ժամանակ նրան ուղեկցում էր վարչապետ Տիգրան Սարգսյանը: