Գերմանիան պատրաստվում է Թուրքիային ֆինանսապես խեղճացնել. Bloomberg

Գերմանիան պատրաստվում է Թուրքիային ֆինանսապես խեղճացնել: Գերմանացիները ակտիվ աշխատում են կրճատել թուրքական կառավարության հետ կապ ունեցող ընկերությունների և բանկերի ֆինանսավորւմը: Այս մասին հաղորդում է Bloomberg-ը:

Խոսքը պետական KfW-ով, Եվրոպական ներդրումային բանկով և Եվրոպական վերակառուցման բանկով անցնող  վարկային միջոցների մասին է: Պաշտոնապես նշված ֆինանսական կառույցներից ոչ մեկը այս պահի դրությամբ չի սառեցրել ֆինանսավորումը, սակայն նրանք բոլորը ավելի կոշտ պահանջներ ու սահմանափակումներ են առաջ քաշել:  

Բացի այս, նման քայլի դիմել են որոշ մասնավոր բանկեր ևս: Այդպես, օրինակ, վարկանիշային ռիսկերից խուսափելու համար Commerzbank-ը վերանայում է իր քաղաքականությունը թուրք գործընկերների հետ:  

Այս ամենի ֆոնին լիրան շարունակում է ընկնել մի քանի օր շարունակ: Նախօրեին նվազումը եղել է 2% սահմանում:

Հիշեցնենք, ավելի վաղ սրվել են հարաբերությունները ԱՄՆ և Թուրքիայի միջև: