Հայաստանի ԱԻ նախարարի ու բնապահպանության նախարարի մոտեցմուները այս տարվա ամռանը Խոսրովի արգելանոցում տեղի ունեցած հրդերի բռնկման պատճառների վերաբերյալ չեն համընկնում: ԱԻՆ-ի կարծիքով պատճռան անփությունն է եղել, իսկ բնապահպանության նախարարությունը միտում է տեսնում:
«Հանրապետությունում վերջին ամիսներին տեղի ունացած հրդեհների պատճառած վնասների գնահատման փուլն ընթացքում է: Աշխատում է ԱՄՆ փորձագիտական խումբ՝ վերականգնողական ծրագերի իրականացման ուղղությամբ: Իսկ արդեն գնահատման խումբը Հայաստան կժամանի նոյեմբերին»,-այսօր՝ «Աղետների ռիսկերի կառավարման բնագավառում ազգային կարողությունների զարգացումը» թեմայով խորհրդարանական լսումների ժամանակ ասաց ԱԻ նախարար Դավիթ Տոնոյանը:
Նա հավելել է, որ ԱԻՆ աշխատակիցները հրդեհի պահին եղել ենք այնտեղ եւ մինչեւ արբայնակային նկարների լինելը որոշակի գնահատական են տվել: «Ես՝ ինքնս, համոզված եմ, որ հրդեհը եղել է անփութության արդյունք: Հնարավոր է, որ եղել է հրդեհաշիջման ոչ արհեստավարժ մոտեցում, եւ սրա պատճառով այլ վայրերում է ծավալվել կրակը, որին նպաստել է նաեւ ուժեղ քամին: Բնապահպանության նախարարը պնդում չի արել, նա խոսել է հնարավոր տարբերակների մասին: Մեր խոսքում դիտավորույթուն չկա, ես չեմ լսել դիտավորության վարկածի առաջ քաշումը»,- ասաց Տոնոյանը:
Նախարարն ընդգծեց, որ ռիսկերի նվազեցման առումով ինքն ավելի շատ կկոնկրետանար հրդեհների կանխարգելման աշխատանքների վրա:
Ավելի վաղ օգոստոսի 13-ին ամերիկյան կողմը հայկական կողմի խնդրանքով տրամադրել էր արբանյակային լուսակարները, որը Բնապահպանության նախարարությունը փոխանցել է քննչական մարմնին, իսկ բնապահպանության նախարար Արծվիկ Մինասյանն էլ հենվելով այդ լուսանկաների վրա հայտարարել էր.
«Մենք ստացել ենք ամսի 13-ի, այսինքն՝ հրդեհի հաջորդ առավոտվա լուսապատկերը, որով երեք օջախ է երևում՝ իրարից անկախ, և դա վկայում է այն մասին, որ այնուամենայնիվ, որոշակի գործողություն է տեղի ունեցել»,- ասել է Մինասյանը:
Արծվիկ Մինասյանը մի քանի օր առաջ 1in.am-ի հետ զրույցում պնդում էր, դիտավորության վարկածը եւ ըստ էության նաեւ ակնարկում, որ դա կարող էր նաեւ դավադրություն լինել, իր եւ նախարար Տոնոյանի դեմ: Այնպես որ, եթե ոչ միջազգային, ապա տեղական մակարդակի սկանդալ այս պատմության շուրջ պետք չէ բացառել:
Խոսրովի անտառ պետական արգելոցի տարածքում էկոլոգիական խոշոր աղետի մասշտաբներ ունեցող հրդեհը բռնկվեց այս տարվա օգոստոսի 12-ին: Հրդեհի առաջացման ստույգ պատճառը հայտնի չէ, և շրջանառվում են հակասական կարծիքներ:
Օգոստոսի 16-ի օրվա ավարտին ԶԼՄ-ները հայտնեցին, որ ՀՀ ԱԻ նախարար Դավիթ Տոնոյանի փոխանցմամբ՝ Խոսրովի արգելոցում հրդեհի հիմնական օջախները մարված են, հրդեհը մեկուսացված է, վերցված է վերահսկողության տակ:
Այժմ հարուցվել է քրեական գործ՝ «Խոսրովի անտառ» պետական արգելոցի տարածքում բռնկված հրդեհի դեպքի առթիվ։ Քրգործը հարուցվել է ՀՀ Քրեական օրենսգրքի 297-րդ հոդվածի 1-ին (անտառներ, ինչպես նաև անտառային ֆոնդի մեջ չմտնող տնկարկներ ոչնչացնելը կամ վնասելը, որը կատարվել է կրակի, պայթուցիկ նյութերի կամ առավել վտանգի այլ աղբյուրի հետ անզգույշ վերաբերմունքի արդյունքում) մասի և 186-րդ հոդվածի 2-րդ (գույքն անզգուշությամբ ոչնչացնելը կամ վնասելը, որը կատարվել է կրակի կամ առավել մեծ վտանգի այլ աղբյուրի հետ անզգույշ վերաբերվելու հետևանքով կամ առանձնապես խոշոր չափերի վնաս է պատճառել) մասի հատկանիշներով:
ՀՀ բնապահպանության նախարարության կենսառեսուրսների գործակալության բնության հատուկ պահպանվող տարածքների և դենդրոպարկերի կառավարման բաժնի պետ Արամ Աղասյանի խոսքով, նախնական տվյալների համաձայն արգելոցում հրդեհի հետևանքով տուժել են հիմնականում չթռչող միջատները , սողուններն ու կրծողները, քանի որ հրդեհն ընդգրկած 2,5-3 հազար հա գոտում կան տարածքներ՝ ավազուտներ, կղզյակներ, որտեղ այլ կենդանիները կարող էին պատսպարվել կրակից:
