ԱՄՆ-ն կպատասխանի ՌԴ՝ Վաշինգտոնի դիվանագետների թիվը կրճատելու միջոցառումներին

ԱՄՆ-ն կպատասխանի սեպտեմբերի 1-ին Մոսկվայի՝ Վաշինգտոնի դիվանագիտական առաքելության թիվը կրճատելու միջոցառումներին։ Այս մասին հայտարարել է ԱՄՆ-ի պետքարտուղար Ռեքս Թիլերսոնը, փոխանցում է AP-ն։

Այս մասին Թիլերսոնն ասել է նախօրեին՝ օգոստոսի 6-ին, ռուս գործընկեր Սերգեյ Լավրովի հետ հանդիպման ժամանակ։

Թիլերսոնի խոսքով՝ ինքը Լավրովին ասել է, որ Վաշինգտոնը դեռ չի որոշել՝ ինչպես պատասխանել։ Թիլերսոնը Լավրովին մի քանի հստակեցնող հարցեր է տվել՝ կապված ԱՄՆ-ի պատժամիջոցներին ի պատասխան Ռուսաստանի գործողությունների հետ։