Ադրբեջանը Պակիստանից ձեռք է բերել 10 ուսումնա-մարզական Super Mushshak ինքնաթիռներ

Ադրբեջանը Պակիստանից ձեռք է բերել 10 ուսումնա-մարզական Super Mushshak ինքնաթիռներ: Այս մասին հաղորդում է Trend-ը:

Համաձայնագիրը ստորագրվել է նախօրեին: Այն ենթադրում է նաև Ադրբեջանի զինված ուժերի տեխնիկական աջակցության տարրեր:

Կողմերը համաձայնագիրը որակել են առանցքային երկկողմ հարաբերությունների համար:

Նշվում է, որ նմանատիպ համաձայնագրեր ստորագրվել են նաև Թուրքիայի, Նիգերիայի և Կատարի հետ: Super Mushshak ինքնաթիռները առկա են Սաուդյան Արաբիայի, Օմանի, Իրանի և Հարավաֆրիկյան հանրապետության ԶՈՒ-երում: