Հունական Կոս կղզում երկրաշարժից հայեր չեն տուժել. ԱԳՆ

Ըստ Աթենքում ՀՀ դեսպանության  նախնական տվյալների` Կոս կղզի մոտակայքում երկրաշարժի հետևանքով տուժածների շրջանում ՀՀ քաղաքացիներ կամ հայեր չկան։ Այս մասին Twitter-ի իր միկրոբլոգում հայտնել է ՀՀ ԱԳՆ խոսնակ Տիգրան Բալայանը:

Հիշեցնենք, զբոսաշրջային ակտիվ կենտրոն համարվող հունական Կոս կղզում գիշերը 1:30-ին հզոր՝ 6.5 մագնիտուդ ուժգնությամբ երկրաշարժ է տեղի ունեցել, ինչի հետևանքով մասամբ վնասվել են շինություններ, գլխավոր նավանահանգիստը: Նախնական տվյալներով կա երկու զոհ, վիրավորների թիվն անցել է 120-ը: