Ռուսաստանը սպառազինության հերթական խմբաքանակն է մատակարարել Ադրբեջանին

Ռուսաստանը սպառազինության հերթական խմբաքանակն է մատակարարել Ադրբեջանին: Այս մասին տեղեկացնում է Ինտերֆաքս.ազ-ը:

«Բաքվի նավահանգիստ է ժամանել նորագույն սպառազինության հերթական խմբաքանակը՝ մեծ քանակությամբ հրթիռներ և այլ զինատեսակներ, որոնք նախատեսված են ռազմական միջոցների, ինժեներական կառույցների, կենդանի ուժի և հակառակորդի այլ օբյեկտների ոչնչացման համար»,- ասվում է Ադրբեջանի պաշտպանության նախարարության հաղորդագրության մեջ:

Մատակարարումն իրականացվել է համաձայն Ադրբեջանի և ՌԴ-ի միջև ռազմա-տեխնիկական համագործակցության մասին համաձայնագրի: