Էրդողանն ու Ալիևը քննարկել են Ղարաբաղը

Ստամբուլում կայացել է Թուրքիայի և Ադրբեջանի նախագահներ Ռէջեփ Թայիփ Էրդողանի և Իլհամ Ալիևի հանդիպումը:

ԱՊԱ-ի հաղորդմամբ, հանդիպմանը, ի թիվս այլ հարցերի, անդրադարձ է եղել նաև ղարաբաղյան հակամարտությանը: Ալիևը մանրամասն ներկայացրել է շփման գծում վերջին սրացման մասին՝ մեղադրելով հայկական կողմին սադրանքների մեջ: Թուրքիայի նախագահը հայտարարել է, որ Անկարան աջակցում է ղարաբաղյան հակամարտության կարգավորումը միջազգային իրավունքի և Ադրբեջանի տարածքային ամբողջականության հիմքով:

Երկու երկրի նախագահները նաև խոսել են ռազմական ոլորտում համագործակցության հետագա զարգացման մասին: