Փորձագետ. Թուրքիան գերտերության վերածվելու մեծ ամբիացիաներ ունի

Թուրքիան տարածաշրջանային տերություն է` գերտերության վերածվելու մեծ ամբիցիաներով։ Այդ մասին հայտարարել է ռազմական փորձագետ Վասիլի Դանդիկինը։

«Օբյեկտիվորեն` Թուրքիան տարածաշրջանային տերություն է, մեծ` գերտերության ձգտող ամբիցիաներով»,–նշել է նա, փոխանցում է ФАН–ը։

Ըստ նրա, Անկարայի ցանկությունը՝  իր ուժերով ավիակիր կառուցել, շատ բարդ, գրեթե անլուծելի խնդիր է։ Դանդիկինի կարծիքով, այդ հայտարարությունն Էրդողանի հռետորաբանությունն է` նա ցանկանում է մեծարել իրեն, ցուցադրել, որ առաջինն է իսլամական աշխարհում։

Հուլիսի 3-ին Թուրքիայի նախագահը հայտարարել է, որ Անկարան պատրաստվում է սեփական ավիակիրը կառուցել։