Առաջատար կրիպտոհարթակը Open Campus-ի հետ համատեղ գործարկում է անվճար դասընթաց

Կրթությունը պետք է հասանելի լինի յուրաքանչյուրին և ամենուր։ Հենց այս սկզբունքի վրա է հիմնված Open Campus-ի տեսլականը (ապակենտրոնացված կրթական շարժում և դրա երրորդ մակարդակի՝ EDU Chain պրոտոկոլը), որը փոխում է դասախոսների և ուսանողների փոխգործակցության մոտեցումը։

Օգտատերերին առաջարկվում է այլընտրանքային կրթական համակարգ՝ նախատեսված ամբողջ աշխարհի դասախոսների և ուսանողների համար, որը հնարավորություն է տալիս փոխանակել գիտելիքներ և ստանալ հավաստագրեր՝ առանց աշխարհագրական սահմանափակումների՝ Web3 լուծումների միջոցով։

Introduction to EDU Chain & Open Campus անվամբ դասընթացը բաղկացած է առցանց մոդուլներից։ Սկսնակների համար ներկայացվում են նախագծի առաքելությունը և EDU Chain-ի տեխնիկական առանձնահատկությունները՝ կրթության ոլորտում ամենամեծ Web3 էկոհամակարգը, որն ապահովված է կիրառման հիմնական սցենարներով։ Դասընթացը հասանելի է անվճար Binance Academy հարթակում։

Դասընթացի ծրագիրը ներառում է ներածական մոդուլ, մոդուլներ՝ EDU Chain-ի ճարտարապետության և կիրառման հիմնական սցենարների վերաբերյալ, EduFi-ի և $EDU տոկենոմիկայի, կառավարման և համայնքի, ինչպես նաև կրթության համար նախատեսված Web3 ենթակառուցվածքի մասին։

EDU Chain-ը կախված չէ մեկ ընկերությունից կամ հաստատությունից։ Այն զարգանում է էկոհամակարգի մասնակիցների շնորհիվ։ Դրանք կարող են լինել մշակողներ, ձեռնարկատերեր, դասախոսներ, ուսանողներ և տոկենների տերեր, որոնք իրենց ներդրումն են ունենում էկոհամակարգում՝ օնչեյն կառավարման միջոցով։ Հարթակում կրթական բովանդակությունը տոկենացվում է, իսկ ուսանողները ստանում են թվային հավաստագրեր՝ հիմնված EDU Chain բլոկչեյնի վրա։ Բացի այդ, նրանց հասանելի են նաև օնչեյն ուսանողական վարկեր։

Այս ապակենտրոնացված ուսուցման մոդելը բացում է նոր, թափանցիկ հնարավորություններ ինչպես դասախոսների, այնպես էլ ուսանողների համար։

Էկոհամակարգի հիմնական տարրերը՝
Կրթությանն ուղղված ցանց․ EDU Chain-ը գործում է որպես երրորդ մակարդակի բլոկչեյն՝ ապահովելով բարձր արագությամբ գործարքներ և կրթական DApp հավելվածների համար մասնագիտացված ենթակառուցվածք։
Ստուգելի հավաստագրեր․ կրթական հաստատությունները կարող են թողարկել դիպլոմներ, հավաստագրեր և բեյջեր՝ ոչ փոխարինելի տոկենների (NFT) տեսքով՝ բացառելով կեղծման ռիսկը։

EduFi (կրթական ֆինանսներ)․ էկոհամակարգը աջակցում է օնչեյն ուսանողական վարկերին և թույլ է տալիս կրթական բովանդակության հեղինակներին մոնետիզացնել իրենց նյութերը։

$EDU տոկեն․ նախագծի հիմնական տոկենը օգտագործվում է էկոհամակարգի բոլոր գործարքների համար, ներառյալ պարգևատրումները և կառավարմանը մասնակցությունը։

Open Campus-ը առաջարկում է ուսուցման և գիտելիքների փոխանակման նոր մոտեցում՝ ձևավորելով կրթական բովանդակության բաց էկոհամակարգ։ Հարթակը նաև ներգրավում է բարերարների, որոնք կարող են անմիջապես աջակցել կրթական նախաձեռնություններին և հետևել իրենց միջոցների օգտագործմանը բլոկչեյնի միջոցով։