ՌԴ հետ քննարկվում է Հայաստանի երկաթուղու կառավարման հարցը․ Ալեն Սիմոնյան

Ռուսական կողմի հետ ներկայումս քննարկվում է Հայաստանի երկաթուղիների կառավարման հարցը։ Ակնկալում ենք հնարավորինս արագ արձագանք: Այս մասին լրագրողների հետ զրույցում ասաց ԱԺ նախագահ Ալեն Սիմոնյանը։

Նրա խոսքով՝ նախագիծն էական նշանակություն ունի։

«Հետևաբար, մենք որևէ այլ այլընտրանք չունենք, քան քննարկելն ու այս հարցով զբաղվելը: Բանակցությունները շարունակվում են, վերջնական որոշում չկա»,- ասաց  Սիմոնյանը, հավելելով, որ կան երկրներ, որոնք որոշակի հետաքրքրություն են ցուցաբերում այս ուղղությամբ։  

Հիշեցնենք, փետրվարին ՀՀ վարչապետ Նիկոլ Փաշինյանը հայտարարեց, որ Ռուսաստանը կարող է որևէ երրորդ երկրի վաճառել հայկական երկաթուղու կառավարման կոնցեսիան։ Մոսկվայում այս առաջարկը տատրօրինակ որակեցին:

2008 թվականին Հայաստանն իր երկաթուղային ենթակառուցվածքները փոխանցեց Ռուսական երկաթուղու (РЖД) դուստր ընկերության Հարավկովկասյան երկաթուղու կոնցեսիոն կառավարմանը։ Պայմանագրով կառավարումը փոխանցվել է 30 տարի ժամկետով՝ ևս 10 տարով երկարաձգման հնարավորությամբ։