Արարատի համայնքային ոստիկանները քաղաքացու տան զննությամբ կանեփ են հայտնաբերել

Համայնքային ոստիկանության Արարատի բաժնի ծառայողները ստացել էին օպերատիվ տեղեկություն, որ Արարատ գյուղի մի բնակիչ աճեցնում է կանեփ և օգտագործում թմրամիջոցներ:

Նոյեմբերի 14-ին ոստիկանները ստուգեցին տեղեկությունը, և Արարատ գյուղի բնակիչ 30-ամյա տղամարդը հաստատեց, որ ճիշտ է:

Նա ձերբակալվեց ու տեղափոխվեց բաժին, որտեղ նրա խուզարկությամբ հայտնաբերվեց դեղնականաչավուն զանգված:

Վեդիի քննչական բաժնում հարուցված քրեական վարույթի շրջանակում կատարված զննությամբ 30-ամյա տղամարդու տանը հայտնաբերվեց տարայի մեջ աճեցված կանեփի 14 բույս։

Ըստ տանտիրոջ` բույսերն ինքն էր մշակել անձնական օգտագործման համար։ Հանգամանքները պարզվում են: