Գյումրու ավագանին չեղարկվեց ամենամյա «Գյումրու օր» տոնակատարությունը

Սեպտեմբերի 16-ի  նիստում Գյումրու ավագանին չեղարկվեց ամենամյա «Գյումրու օր» տոնակատարությունը։

Նիստի օրակարգում էր նաև տոնակատարության կազմակերպման և անցկացման հարցը։ Քաղաքապետարանի մշակույթի վարչության պետ Լիլիթ Թովմասյանը իր զեկույցում նշել է, որ միջոցառումը կազմակերպելու համար անհրաժեշտ է 6 միլիոն դրամ։

Քվեարկությունից առաջ Գյումրու քաղաքապետ Վարդան Ղուկասյանը առաջարկեց հանել հարցը օրակարգից։
«Առաջարկում եմ հանել այս հարցը, քանի որ զգում եմ, որ տրամադրությունը այն չէ, և ցրտելու է», - բացատրել է Գյումրու քաղաքապետը։

Տոնակատարությունը չեղարկելու նախաձեռնությանը աջակցել է նաև «Իմ հզոր համայնք» խմբակցության ղեկավար Ռուբեն Մխիթարյանը։ Արդյունքում, հարցը հանվեց օրակարգից առանց քվեարկության, և «Գյումրու օր» տոնակատարությունը պաշտոնապես չեղարկվեց։

Այնուամենայնիվ, ավագանու ՔՊ խմբակցությունը նախաձեռնել է արտահերթ նիստ։ Այս մասին Ֆեյսբուքում գրել է խմբակցության ղեկավար Սարիկ Մինասյանը՝ նշելով, որ գյումրեցիները չեն կարող զրկվել արդեն ավանդույթ դարձած տոննը պատշաճ կերպով նշելու հնարավորությունից։