Գերմանիան թուրքական «Ինջիրլիք» ավիաբազային այլընտրանք է փնտրում

Գերմանիան թուրքական «Ինջիրլիք» ավիաբազային այլընտրանք է փնտրում:

Նշվում է, որ թուրք-գերմանական հարաբերություններում վերջին ճգնաժամից հետո Գերմանիայի ձախերի կուսակցության անդամները Բունդեսթագին առաջարկել են հետ քաշել գերմանական կործանիչները թուրքական «Ինջիրլիք» ավիաբազայից և այլընտրանք փնտրել տարածաշրջանի այլ ավիաբազաների շրջանում:

Հայտնի է, որ այդ այլընտրանքը կարող են հանդիսանալ Կիպրոսի, Հորդանանի կամ Քուվեյթի տարածքում գտնվող ռազմական ավիաբազաները: Բունդեսթագի նախագահությունը դեռևս որևէ ընթացք չի տվել այս առաջարկին:

Անցյալ տարի Բունդեսթագի կողմից Հայոց ցեղասպանության ճանաչման և դատապարտման նախագծի ընդունումից հետո թուրք-գերմանական հարաբերությունները լարվել են, որից հետո գերմանացի պաշտոնյաներին չի թույլատրվել այցելել ռազմաբազա և հանդիպել այնտեղ ծառայություն իրականացնող գերմանացի զինվորականների հետ: