Տնտեսական անկում vs. «վարդավառյան բարեկեցություն»

Վիճակագրական կոմիտեի տվյալները հստակ են․

♦ Արդյունաբերական արտադրությունը 2025-ի առաջին կեսին նվազել է 12%,
♦ Արտաքին առևտուրը՝ 45%-ով։

Սա նշանակում է՝ տնտեսական հիմքը թուլանում է, աշխատատեղերը վտանգված են, բյուջետային եկամուտները նվազում են։

Ի՞նչ է ասում Փաշինյանը.

«Սևանի ափին հուլիսի 27-ին 50 հազար մարդ է եղել, ռեստորաններում պահանջարկ կա, մարդիկ Եվրոպա են մեկնում հանգստի։ Սա է բարեկեցության ապացույցը»։

Սա ընտրովի դիտարկում է, ոչ թե տնտեսական ցուցիչ։

Եթե արդյունաբերությունը և առևտուրը կտրուկ անկում են ապրում, դա ազդում է ողջ բնակչության վրա, ոչ թե միայն «Սևան գնացածների»։

Բարեկեցությունը չի չափվում Սևանի ափին արված լուսանկարներով, այլ տնտեսության իրական տվյալներով։ Իսկ տվյալները խիստ մտահոգիչ են։

Երբ տնտեսությունը սուզվում է, բայց իշխանությունը ցույց է տալիս «լողացող լողավազան», սա կոչվում է՝ քաղաքական մանիպուլյացիա։

Քաղաքագետ Սուրեն Սուրենյանց