Հայ-ֆրանսիական պատմության մեջ առաջին անգամ Սյունիքում բացվելու է հյուպատոսական գրասենյակ

Այսօր Սյունիքում հայ-ֆրանսիական պատմության մեջ առաջին անգամ ստեղծվելու է հյուպատոսական գրասենյակ, և սա ևս մեկ վկայությունն է այն բանի, որ ապակենտրոնացված համագործակցությունը հաջողվում է, արդյունավետ գնում է առաջ: Այդ մասին Հայաստան-Ֆրանսիա ապակենտրոնացված համագործակցության 5-րդ համաժողովի ժամանակ ասաց Ազգային ժողովի Հայաստան-Ֆրանսիա բարեկամական խմբի նախագահ Վլադիմիր Վարդանյանը:

«Ֆրանսիայի համայնքային իշխանությունները շատ ավելի խիզախ ու արագ են գտնվել, որովհետև շատ ավելի արագ և շատ ավելի կոշտ արձագանք են տվել այն բոլոր իրավիճակներին, երբ անհրաժեշտ է եղել սատար կանգնել ՀՀ-ին:

Ինչպես ասում էր ֆրանսիացի մեծ գրող Անտուան դը Սենտ-Էքզյուպերին իր հայտնի ստեղծագործության մեջ, մենք պետք է սովորենք փոքրիկ քայլերի արվեստը, մենք պետք է կամաց-կամաց շարժվենք առաջ: Այսօրվա այս հսկայական միջոցառումը սկիզբ չի առել երեկ, այն փոքրիկ քայլերի արդյունք է եղել: Եվ այսօր մեկ այլ փոքրիկ, բայց շատ կարևոր քայլ ենք անելու, այսօր Սյունիքում հայ-ֆրանսիական պատմության մեջ առաջին անգամ ստեղծվելու է հյուպատոսական գրասենյակ»,- ասաց նա: