Գևորգ Պապոյանը Ղազախստանում ունեցել է ոչ պաշտոնական հանդիպումներ

ՀՀ էկոնոմիկայի նախարար Գևորգ Պապոյանը մայիսի 29-30-ը Ղազախստանի Հանրապետությունում մասնակցել է «Աստանա միջազգային համաժողովին»։

Ինչպես հայտնում են ՀՀ էկոնոմիկայի նախարարությունից, համաժողովի ընթացքում նախարարը, որպես պատվավոր հյուր, մասնակցել է լիագումար նիստին և «Եվրասիա. զարգացման հնարավորությունների բացահայտում և համաշխարհային միտումների ընդունում» խորագրով պանելային քննարկմանը։

Համաժողովի շրջանակում Գևորգ Պապոյանը ոչ պաշտոնական հանդիպումներ է ունեցել ՌԴ փոխվարչապետ Ալեքսեյ Օվերչուկի, Ֆրանսիայի արտաքին առևտրի և արտերկրում բնակվող ֆրանսիացի քաղաքացիների հարցերով պատվիրակ նախարար Լորեն Սեն-Մարտինի, Ղրղզստանի Հանրապետության նախարարների կաբինետի նախագահի առաջին տեղակալ Դանիյար Ամանգելդիևի, Խորվաթիայի էկոնոմիկայի նախարար Անտե Շուշնյարի, Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Ֆեդերիկա Մոգերինիի, Ավստրիայի նախկին կանցլեր Սեբաստիան Կուրցի և Միգրացիայի միջազգային կազմակերպության գլխավոր տնօրեն Էմի Փոուփի հետ: