Դատապարտում ենք Սարիկ Մինասյանի անպատասխանատու հայտարարությունները. հայտարարություն

Երեկ Գյումրու ավագանու արտահերթ ընտրություններին նախորդող հեռուստաբանավեճի ընթացքում ՔՊ քաղաքապետի թեկնածու Սարիկ Մինասյանը հնչեցրել  է հայտարարություն Արցախի մասին, որով տարանջատում է մտցնում արցախցիների և գյումրեցիների միջև։

«Դեմոկրատական այլընտրանք» կուսակցության նախընտրական շտաբը խստիվ դատապարտում է իշխանության և նրա թեկնածուի նման վարքագիծը, ազգային միասնության դեմ ուղղված հայտարարությունները:

Ընտրություններում քաղաքական մրցակցությունը չպետք է խաթարի հանրային համերաշխությունը, համազգային միասնությունը:

Մենք մի ամբողջություն, ժողովուրդ ենք, որ միասին պայքարել ենք թշնամու դեմ, ստեղծել ենք մեր պետականությունը՝ համատեղ կերտելով դրա հաղթանակները ու արժանապատվորեն դիմակայելով բոլոր փորձությունները:

Դատապարտելով Սարիկ Մինասյանի անպատասխանատու հայտարարությունները՝ նրա փոխարեն հայցում ենք մեր ընտրողների, արցախցի մեր քույրերի և եղբայրների ներողամտությունը:

Կոչ ենք անում մյուս նախընտրական շտաբներին՝ միանալ այս հայտարարությանը:

«Դեմոկրատական այլընտրանք» կուսակցության նախընտրական շտաբ