Ադրբեջանն ու Հայաստանը ավարտել են խաղաղության համաձայնագրի բանակցությունները․ Բայրամով

Ադրբեջանն ու Հայաստանը ավարտել են խաղաղության համաձայնագրի բանակցությունները։ Այս մասին հայտարարել է Ադրբեջանի ԱԳ նախարար Ջեյհուն Բայրամովը, փոխանցում են ադրբեջանական լրատվականները:

Նրա խոսքով՝ Հայաստանն ընդունել է ադրբեջանական կողմի առաջարկները համաձայնագրի վերջին երկու չհամաձայնեցված կետերի վերաբերյալ։

Ըստ նրա՝ հաջորդ փուլում Բաքուն Հայաստանից ակնկալում է փոփոխություններ կատարել Սահմանադրության մեջ։