Ի՞նչ է հուշում Կլաարը Փաշինյանին

ԵՄ հատուկ ներկայացուցիչ Թոյվո Կլաարը, մեր տարածաշրջանում, ԵՄ-ից բացի՝ կարևորում է Թուրքիայի մասնակցությունը՝ որպես «ռեգիոնալ լիդեր»: Հայաստանին ցույց է տրվում այն երկիրը, որից պետք է երաշխիքներ ստանալ՝ ռուսական ազդեցությունից ազատվելու համար: Այս մասին գրում է քաղաքագետ Սուրեն Սուրենյանցը:

«Հենց նման քաղաքականություն էլ Փաշինյանը վարում է:

Սա կոնֆլիկտի տանող վտանգավոր ճանապարհ է, ինչի հետևանքով կարող են ռիսկեր առաջանալ մեր պետականության համար: Իմ առաջարկած բանաձևը մնում է անփոփոխ՝ մեր պետականության լինելությունը պայմանավորված է հայ- ռուսական և հայ- թուրքական հարաբերությունների նոր որակով»,- գրել է Սուրենյանցը:

Նշենք, որ Կլաարն այսօր մասնակցել է Անթալիայի դիվանագիտական համաժողովի շրջանակում Հարավային Կովկասին նվիրված քննարկմանը: