ԿԽՄԿ ներկայացուցիչներն այցելել են Բաքվում գերության մեջ պահվող անձանց

Կարմիր խաչի ներկայացուցիչներն այցելել են Բաքվում գերության մեջ պահվող անձանց, այդ թվում՝ Արցախի ռազմաքաղաքական ղեկավարությանը։

«ԿԽՄԿ-ն հերթական անգամ տեսակցել է Բաքվում պահվող այն բոլոր հայերին, որոնց անունները հաստատվել են մեզ Ադրբեջանի իշխանությունների կողմից։ Տեսակցությունների շրջանակներում յուրաքանչյուր անձին տրվել է հնարավորություն կապվել ընտանիքի հետ»,- «Փաստինֆո»-ի հետ զրույցում հայտնեց ԿԽՄԿ պատվիրակության հաղորդակցման ղեկավար Զառա Ամատունին՝ նշելով, որ այցերը տեղի են ունեցել հունվարի վերջին և փետրվարի սկզբին։