Ծիծաղելի են արևմտամետների պնդումները, թե՝ ԱՄՆ-ն ճնշեց Թուրքիային, կճնշի նաև Ադրբեջանին

ԱՄՆ նախագահ Ջո Բայդենը պաշտոնապես դիմել է ԱՄՆ Կոնգրեսին՝ խնդրելով հավանություն տալ Թուրքիային 20 միլիարդ դոլար արժողությամբ F-16 կործանիչների վաճառքին: Դա տեղի է ունեցել այն բանից հետո, երբ Թուրքիան վավերացրել է ՆԱՏՕ-ին անդամակցելու՝ Շվեդիայի հայտը: Օրենսդիրներին ուղղված նամակում Բայդենը կոչ է արել «անհապաղ» հավանություն տալ այդ նախագծին։

Այս մասին գրում է քաղաքագետ Սուրեն Սուրենյանցը:
 
"Այսինքն, տեղի է ունեցել սովորական քաղաքական առևտուր ու այս ֆոնի վրա ծիծաղելի են թվում մեր որոշ արևմտամետների պնդումները, թե տեսեք՝ Վաշինգտոնն ինչպես ճնշեց Թուրքիային, վաղն էլ կճնշի Ադրբեջանին:

Չի կարելի, աններելի է նման «կտերով» հասարակությանը կերակրել՝ բթացնելով նրա զգոնությունը, առավել ևս, որ նույն Արևմուտքը Ադրբեջանի կամ Թուրքիայի հետ կարող է առևտուր անել՝ նաև մեր շահերի հաշվին:

Ժամանակին նման անհեթեթ քարոզչության մեջ էին մեր ռուսամետները, որոնք օր ու գիշեր հավատացնում էին, որ քանի ռուսները կան, «չաղ ու բախտավոր» ապրելու ենք":