Նաիրի Պետրոսյանը նշանակվել է ՍԾՏՀ-ում Հայաստանի մշտական ​​ներկայացուցիչ

Նախագահ Վահագն Խաչատուրյանի հունվարի 8-ի հրամանագրով Նաիրի Պետրոսյանը նշանակվել է Սևծովյան տնտեսական համագործակցության կազմակերպությունում Հայաստանի Հանրապետության մշտական ​​ներկայացուցիչ (նստավայրը՝ Ստամբուլ)։

Այս մասին հայտնում է ՀՀ նախագահի մամուլի ծառայությունը։

Վերջին մեկ տարում Նաիրի Պետրոսյանը Հայաստանի արտգործնախարարության քարտուղարության խորհրդականն էր։ Նախկինում նա զբաղեցրել է Ժնևի ՄԱԿ-ի գրասենյակում Հայաստանի մշտական ​​ներկայացուցչի տեղակալի պաշտոնը։

Նաիրի Պետրոսյանը Հայաստանի ԱԳՆ-ում աշխատում է 1998 թվականից։

Նաիրի Պետրոսյանը մի քանի տարի եղել է նախագահ Սերժ Սարգսյանի ռեֆերենտը։ Իսկ «թավշյա հեղափոխությունից» հետո Պետրոսյանը զբաղվել է արդեն նախկին նախագահ Սերժ Սարգսյանի գրասենյակի ձևավորմամբ։

Սահակ Սարգսյանը, որը ՍԾՏՀ-ում Հայաստանի մշտական ​​ներկայացուցիչն էր, Եթովպիայում Հայաստանի դեսպան է նշանակվել 2023 թվականի դեկտեմբերին։