Սերգեյ Սմբատյանը կշարունակի գլխավորել Մալթայի ֆիլարմոնիկ նվագախումբը․ Երվանդ Վարոսյան

Փաստաբան Երվանդ Վարոսյանը ֆեյսբուքյան իր էջում գրում է․

"Սերգեյ Սմբատյանը կշարունակի գլխավորել Մալթայի ֆիլարմոնիկ նվագախումբը:

Վերջին զարգացումների բերումով արդեն շատերն են տեղյակ, որ Մաեստրո Սերգեյ Սմբատյանը հանդիսանում է նաև Մալթայի ֆիլարմոնիկ նվագախմբի գլխավոր դիրիժորը։

Նախորդ ամառ Սերգեյ Սմբատյանի նկատմամբ քրեական հետապնդման հարուցումից, նրան կալանավորելուց հետո, սակայն, Մալթայի ֆիլարմոնիկ նվագախմբի ղեկավարությունը որոշում էր կայացրել կասեցնել Մաեստրոյի հետ կնքված պայմանագրի կատարումը։ Այս մասին տեղեկություններ տարածվեցին նաև մամուլով։

Ուրախությամբ տեղեկացնում ենք, որ այսօր պաշտոնական ծանուցում ենք ստացել այն մասին, որ նվագախմբի տնօրենների խորհրդի որոշմամբ Սերգեյ Սմբատյանի պաշտոնավարումը կվերականգնվի ու նա կշարունակի Մալթայի ֆիլարմոնիկ նվագախմբի հետ համագործակցությունը որպես գլխավոր դիրիժոր։"