Պուտինն ու Ալիևը չեն քննարկել Ռուբեն Վարդանյանի հարցը

Ռուսաստանի նախագահ Վլադիմիր Պուտինը չի քննարկել Լեռնային Ղարաբաղի նախկին պետնախարար և ռուսաստանցի նախկին գործարար Ռուբեն Վարդանյանի ճակատագրի հարցը Ադրբեջանի նախագահ Իլհամ Ալիևի հետ հինգշաբթի օրը կայացած զրույցի ժամանակ. այս մասին ասել է ՌԴ նախագահի մամուլի քարտուղար Դմիտրի Պեսկովը:

«Ոչ»,- լրագրողներին ասել է Պեսկովը՝ պատասխանելով համապատասխան հարցին։

Միաժամանակ Կրեմլի ներկայացուցիչը նշել է, որ Պուտինն ու Ալիևը զգալի ժամանակ շփվել են տետ-ա-տետ, և ինքը չգիտի, թե ինչ է քննարկվել զրույցի այս հատվածում։

Հիշեցնենք, որ Ռուբեն Վարդանյանին առեւանգել էին Ադրբեջանի իշխանությունները եւ տեղափոխել Բաքու։