Թուրքիան մտադիր է շեշտակի մեծացնել գազի ներկրումը

Թուրքական Anadolu լրատվական գործակալության փոխանցմամբ՝ թուրքական BOTAŞ պետական խողովակաշարային ընկերությունը մտադիր է գազի օրական ներկրման ծավալը ներկայիս 200 միլիոնից հասցնել մինչև 350 միլիոն խորանարդ մետրի։

BOTAŞ-ը գազի ներկրման մեծացման անհրաժեշտությունը պայմանավորել է Թուրքիայի էներգետիկ անվտանգության ապահովման համար։ Ներկայումս Թուրքիան Ռուսաստանից Սև ծովի հատակով անցնող «Երկնագույն հոսք» գազատարով ներկրում է օրական 47.3 միլիոն խորանարդ մետր, իսկ Ուկրաինայով, Ռումինիայով ու Բուլղարիայով անցնող Անդրբալկանյան գազատարով՝ 42 միլիոն խորանարդ մետր։

Բացի այդ, Թուրքիան օրական 19 միլիոն խորանարդ մետր գազ ներկրում է Ադրբեջանից, 28.5 միլիոն խորանարդ մետր գազ՝ Իրանից։ 25 միլիոն խորանարդ մետր հեղուկացված գազ ընդունում է Ալիաղայի տերմինալը, ևս 18 միլիոնը՝ Էրեղլիի տերմինալը։

Սիլիվրիի ստորգետնյա գազապաստարանն օրական ընդունում է 25 միլիոն խորանարդ մետր։ Պիկ ժամանակներում Թուրքիայում գազի օրական սպառումը հասնում է 230 միլիոն խորանարդ մետրի։

• Թուրքիա