Երևանի և Թբիլիսիի մետրոպոլիտենների միջև առաջիկայում հնարավոր է համագործակցություն

Կարեն Դեմիրճյանի անվան Երևանի մետրոպոլիտենի գլխավոր տնօրենի ժ/պ Բաբկեն Սեդրակյանն աշխատանքային այցով գտնվել է Թբիլիսիում։

Այցի ընթացքում Երևանի մետրոպոլիտենի գլխավոր տնօրենի ժ/պ-ն հանդիպել է Թբիլիսիի տրանսպորտային ընկերության գլխավոր տնօրեն Գիորգի Շարկովի, ինչպես նաև Մետրոպոլիտենի և ճոպանուղու շահագործման հարցերով տնօրենի Գրիգոլ Խուցուրաուլիի հետ։

Հանդիպման ընթացքում անդրադարձ է կատարվել ընթացիկ մի շարք ծրագրերի, ինչպես նաև առաջիկա համագործակցության հնարավորություններին։

Կողմերը հույս են հայտնել, որ երկկողմ փոխշահավետ համագործակցությունն արդյունավետ կշարունակվի: