ԱԺ ամբիոնը չեմ լքելու, իրականացնում եմ քաղաքական ակցիա. Թագուհի Թովմասյան

Թույլ չեմ տալու երկրի թիվ մեկ ամբիոնից կրկին ստեր հնչեցնեք, կասկածի տակ դնեք Արցախի հայկական լինելը կամ հայ ժողովրդի պատմությունն ընդհանրապես։ Այս մասին Facebook-ի իր էջում գրել է ԱԺ "Պատիվ ունեմ" խմբակցության անդամ Թագուհի Թովմասյանը՝ տեղեկացնելով, որ ԱԺ ամբիոնը չի լքելու, իրականացնելու է քաղաքական ակցիա.

"Սոթքում կրակում են, Դուք այստեղ խոսում եք ձեռքբերումներից. 800 մարդ հարկադիր պարապուրդի է մատնվել, քանի որ նրանց անվտանգությունը չեք ապահովում:

Եկել, ի՞նչ բյուջեի կատարողական եք քննարկում...",- գրել է Թագուհի Թովմասյանը:

Նշենք, որ ԱԺ նախագահ Ալեն Սիմոնյանը հրահանգեց անվտանգության աշխատակիցներին իջեցնել ամբիոնից հեռանալ չցանկացող Թովմասյանին, անջատել հեռարձակումը ու հայտարարեց ընդմիջում: Այնուհետ թվով տաս ընդդիմադիր պատգամավորներ զրկվեցին այսլօր ԱԺ նիստին մասնակցելու իրավունքից: